తిమ్మాపూర్ పాఠశాలలో ఉపాధ్యాయుని ఆగడాలు: విద్యార్థుల ఆవేదన, స్పందించిన NHRC

జన్నారం: తిమ్మాపూర్ ఎంపీయూపీఎస్ (MPUPS) పాఠశాలలో విధులు నిర్వహిస్తున్న ఎస్జీటీ (SGT) ఉపాధ్యాయుడు ఏ. సురేందర్‌పై విద్యార్థులు తీవ్రమైన ఆరోపణలు చేశారు. ఉపాధ్యాయుని ప్రవర్తనపై ' జనం పవర్ జర్నలిస్ట్ న్యూస్'లో వచ్చిన కథనం జిల్లావ్యాప్తంగా సంచలనం సృష్టించింది.

​అసభ్య ప్రవర్తన: సదరు ఉపాధ్యాయుడు పాఠాలు బోధించడం మానేసి, విద్యార్థినుల పట్ల అసభ్యంగా ప్రవర్తిస్తున్నారని విద్యార్థులు ఆరోపిస్తున్నారు.
​గుడ్ టచ్ - బ్యాడ్ టచ్: బాలికల పట్ల ‘గుడ్ టచ్’, ‘బ్యాడ్ టచ్’ పేరిట అసభ్యంగా ప్రవర్తిస్తూ వారిని ఇబ్బందులకు గురిచేస్తున్నారని బాధితులు కన్నీటి పర్యంతమయ్యారు.
​విద్యార్థుల డిమాండ్: "మాకు ఆ ఉపాధ్యాయుడు వద్దు, మాకు రక్షణ కల్పించండి" అని బాలికలు ఆవేదన వ్యక్తం చేస్తున్నారు.

ఈ ఘటనపై పాఠశాల ప్రధానోపాధ్యాయులు (HM) ఉన్నతాధికారులకు ఫిర్యాదు చేశారు. విషయం తెలియగానే NHRC (జాతీయ మానవ హక్కుల కమిషన్) ప్రతినిధి కామెర కవిత స్పందించారు. ఆమె నేరుగా పాఠశాలను సందర్శించి, బాధితులైన విద్యార్థినుల ఆవేదనను స్వయంగా విన్నారు. ఉపాధ్యాయుని ప్రవర్తనపై కూలంకషంగా విచారణ జరిపి, నివేదికను ఉన్నతాధికారులకు అందజేయనున్నట్లు సమాచారం.