పిపిఎల్ మంచిర్యాల జిల్లా కమిటీ ఎన్నిక.. అధ్యక్షుడిగా నిట్టూరి సారయ్య

జనం పవర్ జర్నలిస్టు వేల్పుల నగేష్ తెలంగాణ రాష్ట్ర ఇన్చార్జి ఆగస్టు 31,

మంచిర్యాల: ప్రగతిశీల ప్రైవేట్ పాఠశాలల (పిపిఎల్) మంచిర్యాల జిల్లా కమిటీ ఎన్నికలు ఘనంగా జరిగాయి. మంచిర్యాల పట్టణంలోని జన్మభూమి నగర్‌లో డాక్టర్ నీలకంఠేశ్వరరావు నివాసంలో రాష్ట్ర కమిటీ అధికార ప్రతినిధి మెడపట్ల మల్లేష్ ఆధ్వర్యంలో నిర్వహించిన కార్యక్రమంలో నూతన జిల్లా కమిటీని ఎన్నుకున్నారు. జిల్లా అధ్యక్షుడిగా నిట్టూరి సారయ్యను ఏకగ్రీవంగా ఎన్నుకున్నట్లు నిర్వాహకులు తెలిపారు.
ఈ సందర్భంగా నూతన జిల్లా అధ్యక్షుడు నిట్టూరి సారయ్య మాట్లాడుతూ జిల్లాలోని గురుకుల పాఠశాలల్లో విద్యార్థులు ఎదుర్కొంటున్న సమస్యల పరిష్కారానికి పిపిఎల్ తరఫున నిరంతరం కృషి చేస్తామని అన్నారు. విద్యార్థులకు మెరుగైన విద్యతో పాటు నాణ్యమైన వసతులు, భద్రత, ఆరోగ్యం, ఆహారం తదితర అంశాలపై సంబంధిత అధికారులు, ప్రభుత్వం దృష్టికి సమస్యలను తీసుకెళ్లి పరిష్కారం కోసం కృషి చేస్తామని తెలిపారు. పిపిఎల్ రాష్ట్ర కమిటీ అధ్యక్షుడు మాట్లాడుతూ ప్రతి గురుకుల పాఠశాలలో విద్యార్థులు ఎదుర్కొంటున్న సమస్యలను క్షేత్రస్థాయిలో గుర్తించి, వాటి పరిష్కారానికి సమిష్టిగా కృషి చేయాల్సిన అవసరం ఉందన్నారు. విద్యార్థుల భవిష్యత్తును దృష్టిలో ఉంచుకుని పాఠశాలల్లో మెరుగైన విద్యా వాతావరణం కల్పించడంతో పాటు మౌలిక వసతులపై ప్రత్యేక దృష్టి పెట్టాలని సూచించారు. జిల్లా కమిటీ ఎన్నికల అనంతరం నూతన అధ్యక్షుడు నిట్టూరి సారయ్యకు పలువురు సభ్యులు అభినందనలు తెలిపారు. జిల్లాలోని గురుకులాలు, విద్యార్థులు, ఉపాధ్యాయులు ఎదుర్కొంటున్న సమస్యలను ఎప్పటికప్పుడు ప్రభుత్వం దృష్టికి తీసుకెళ్లి పరిష్కారానికి కృషి చేస్తామని నూతన కమిటీ సభ్యులు పేర్కొన్నారు. ఈ కార్యక్రమంలో మంచిర్యాల జిల్లా జోనల్ కమిటీ సభ్యులు, జిల్లా కమిటీ సభ్యులు, సభ్యులు, విద్యా రంగానికి చెందిన పలువురు ప్రతినిధులు తదితరులు పాల్గొన్నారు.